Gazetari Krasniqi: Familja e Naim Murselit nuk u lejua në rivarrimin e Liridonës

Dje është zhvarrosur nga fshati Cermjan trupi i Liridona Ademajt dhe me kërkesë të familjarëve, rivarrimi u bë në Rracaj të Gjakovës. Të afërmit por edhe shumë dashamirës dhe qytetarë të Kosovës ishin të pranishëm për t’i dhënë lamtumirën e fundit.

Në një intervistë për gazetarin Vullnet Krasniqi, babai i Naim Murselit, Shaban Murseli e dënoi ashpër krimin dhe u shpreh se po ta dinte do e vriste vetë djalin me duart e tij.

Në emisionin GoodMorning Albanians në Euronews Albania gazetari Krasniqi tregoi se familja e Naim Murselit nuk ishin lejuar të merrnin pjesë në rivarrimin e Liridonës në fshatin e saj të lindjes.

“Me familjen e Liridonës nuk njihem për shkak të Naimit, njihem që 50 vjet se jemi miq, dhe nuk kam pasur fytyrë të dalë përballë. Dje u kam çuar një mesazh nëse mund të marr pjesë në rivarrim dhe nuk më ka pranuar”, ka thënë babai i Naim Murselit.

LEXONI GJITHASHTU:

• Flet babai i Naim Murselit: Ta dija që e kishte bërë evlati im, ai s’do ishte gjallë
• Sa mund të dënohet Naim Murseli? Eksperti: Pse duhet të sigurohen dy dëshmitarë