Ervin Salianji: I gatshëm të lë mandatin e deputetit për bashkimin e PD-së

Deputeti demokrat, Ervin Salianji deklaroi se është i gatshëm të lërë mandatin, nëse kjo do i shërbente bashkimit të Partisë Demokratike.

Në një deklaratë për mediat, Salianji u shpreh se marrja e postit të kreut të Grupit Parlamentar, mund të jetë një zgjidhje për bashkim, nëse deputetët e tjerë e gjykojnë ashtu.

“Të gjitha opsionet janë në diskutim, nuk thashë këtë. Thashë që do diskutohet çfarëdo lloj forme dhe do të arrihet në një konkluzion të caktuar për të bashkuar PD-në. Sesi do të jetë mendimi i shumicës, është edhe ky një opsion i propozuar.

Por unë e kam thënë, jo vetëm marr përsipër përgjegjësi në një moment krize dhe vështirësie që ka PD-ja, por jam i gatshëm nëse do të duhej, jo të marr përgjegjësi, por edhe të lë përgjegjësi, duke lënë mandatin për të bashkuar PD-në. Unë mendoj, që çfarëdo lloj opsioni është i mundshëm, e rëndësishme është që vendi të ketë opozitë”, theksoi ai.

LEXONI GJITHASHTU

• Fation Veizaj la mandatin e deputetit në Vlorë, kush pritet ta zëvendësojë
• Salianji, kryetar grupi? Kadilli i indinjuar: U përplasën me hu, sot janë bashkë
• Berisha: Vit vendimtar për demokracinë, grupi parlamentar i përkushtuar