“Është marrë syri, jo truri”, eksperti: Para se të hiqeshin kamerat, duhej të…

Eksperti i sigurisë, Fatjon Softa tha në një intervistë për Euronews Albania se me çmontimin e kamerave të sigurisë që vendosen nga grupet kriminale merret syri i këtyre kriminelëve, por jo truri.

Ai sqaroi se asnjë individ dhe asnjë subjekt nuk mund të kontrollojë territorin, përveç Policisë së Shtetit.

“Kjo është shkelje e ligjit. Kamera është syri, truri nuk është te kamera. Ne duhet të shkojmë te njësia, te qëllimi, kush i montoi?! Nëse ne heqim kamerën, kemi hequr provën dhe duhet të ndodhte para se të hiqeshin kamerat, të kontrollohej si është bërë kjo lidhje dhe ku shkon sinjali,” – u shpreh Softa.

Pas Shkodrës, kamera sigurie të vendosura me qëllim sigurimin e informacioneve për qëllime kriminale, si dhe për të monitoruar lëvizjet e policisë, u çmontuan edhe në Korçë e Pogradec.

LEXONI GJITHASHTU:

• Sekuestrohen 39 kamera sigurie në Korçë e Pogradec, 9 persona nën hetim
• Sekuestrohen 58 kamera sigurie në Korçë, Pogradec e Krujë, disa persona nën hetim