Euro 2024| Atmosferë pozitive tek kuqezinjtë, Shqipëria synon 6 pikë

Kombëtarja shqiptare ka nisur përgatitjet në prag të ndeshjeve vendimtare kualifikuese drejt Euro 2024. Këtë të hënë në konferencën për shtyp ishin dhe dy futbollistë të cilët po bëjnë mirë në skuadrat e tyre, Sokol Cikalleshi dhe Nedim Bajrami. Dyshja në fjalë kanë analizuar kundërshtarët, ndërsa shpresojnë në marrjen e rezultateve pozitive.

Sulmuesi i Konyaspor, ka pohuar se skuadra është e gatshme për të dyja sfidat.

“Janë 3-4 ditë deri te ndeshja e parë por lojtarin e bën klubi dhe stërvitja që bën çdo ditë. Të gjithë janë të gatshëm dhe pse kemi pak ditë, filozofinë e kemi marrë dhe e kemi kuptuar. Kemi një stil loje që po e aplikojmë. Edhe pse janë pak ditë, kemi kohë për atë që kërkon trajneri dhe duhet ta aplikojmë në fushë”, tha Cikalleshi.

Më tej Cikalleshi ka pohuar se në këtë pikë mbështetja duhet të jetë maksimale.

“Kemi nevojë për mbështetjen e medias dhe tifozëve sepse duke qenë bashkë, ia arrijmë kësaj ëndrre. Është një ekip që do të vuajmë por jemi gati sepse kemi shënuar, kemi luajtur dhe mbrojtësit kanë minuta. Jemi në moment shumë të mirë por ndeshja do të kalojë dhe më shumë mundësi i jap angazhimit dhe ju siguroj se do të jetë”, shtoi ai.

Mesfushori Nedim Bajrami ka shtuar më tej, se atmosfera pozitive vjen dhe pas ardhjes së teknikut Sylvinho

Më 6 shtator Shqipëria udhëton drejt Pragës aty ku do të përballet me Çekinë, ndërsa ndeshja tjetër është ajo ndaj Polonisë në Air Albania. FSHF bën me dije se për ndeshjen që luhet në shtëpi janë shitur të gjitha biletat.

LEXONI GJITHASHTU:

• Po shkëlqen me Strugën, Zguro ‘sinjale’ pozitive trajnerit Sylvinho
• Dilemat e Kombëtares, ndaj Çekisë priten ndryshime, porta shqetëson Sylvinhon