“Europa në duart e Melonit”, eksperti: Si arriti kryeministrja italiane të joshte BE

Eksperti i marrëdhënieve ndërkombëtare Dritan Hoti tha në një intervistë për Euronews Albania, se ka qenë metamorfoza e Giorgia Melonit, ajo që e bëri kryeministren Italiane të dilte me fitore në zgjedhjet e Parlamentit Europian.

Ajo arriti të siguronte 28% të votave në Parlamentin Europian, gjë që e ka forcuar pozitën e saj në politikat europiane.

“Meloni rezultoi një lidere e metamorfozafe spektakolare. Sepse nga një lidere populiste, përfaqësuese e një partie neo-fashtiste, ka modifikuar qëndrimet e saj. Ajo aktualisht është më tepër një lidere e qendrës së djathtë se sa një lidere populiste. Meloni ka ndërtuar një aleancë përtej Atlantikut me Shtetet e Bashkuara të Amerikës.

Për më tepër është e vetmja që ka fituar në një nga tre shtetet e mëdha dhe më përfaqësuese brenda Parlamentit Europian dhe vazhdon të qeverisë duke fituar edhe zgjedhjet, por edhe duke modifikuar qëndrimet e saj të politikës së jashtme. Kjo tregon një anë spektakolare, interesante të Melonit. Tregon fleksibilitet dhe pragmatizëm si politikane, kjo e ka bërë që të jetë një nga aktorët kryesorë të ndjekur dhe të vlerësuar brenda qethurit të Bashkimit Europian”,-tha Hoti.

LEXONI GJITHASHTU:

• Beleri merr pjesë në mbledhjen e parë si eurodeputet, ‘live’ nga burgu me Mitsotakis
• Pse erdhi Meloni? Abilekaj: Po bën fushatë me Ramën