Ish-presidenti Bill Clinton tha në fjalimin e tij të mbajtur këtë të hënë në Tiranë se që pas largimit nga shtëpia e bardhë ka pasur disa momente që i kanë mbetur në mendje e një prej tyre ka qenë takimi me një kamarier nga Kosova.

Ai tha se djali i ishte ulur në gjunjë dhe e kishte falenderuar pasi prej tij familja e tij është ende gjallë.

“Prej kohës kur kam lënë shtëpinë e Bardhë më kanë ndodhur dy gjëra mjaft interesante. Një herë në një darkë private me 12 persona në New York, një kamarier erdhi që të merrte porosinë, pa se kush ishte aty, uli tabakan dhe u ul në gjunjë. Ai më pa dhe më tha, falë teje familja ime është gjallë.

Njerëzit me të cilët isha, nuk e kishin idenë se ç’po ndodhte. U thash se ishte shqiptar nga Kosova. Pastaj ai foli pak me njerëzit aty u tha se çfarë kishte kaluar. Vazhdoni kështu, mos i hidhni njerëzit poshtë bëni që kur njerëzit të vijnë te ju ata të duan që vendi i tyre të bëhet më shumë si e juaja”,-tha Bill Clinton.

LEXONI GJTIHASHTU:

• Rama: Pa Bill Clinton, kasapi i Beogradit mund të ngryste jetën në pushtet
• Ish-presidenti Bill Clinton nderohet me medaljen “Ylli i Mirënjohjes”