Familja nga Prishtina, në Gjirokastër për 15-vjetorin e Pavarësisë së Kosovës

15-vjetori i Pavarësisë së Kosovës ka qenë i veçantë për familjen Krasniqi nga Prishtina.

Pjesëtarët e kësaj familjeje e kanë festuar Ditën e Pavarësisë në Gjirokastër.

Kryefamiljari Shpëtim Krasniqi, i cili ka qene pjesëtarë i Ushtrisë Çlirimtare të Kosovës vlerëson mbështetjen që ka dhënë Gjirokastra dhe zonat e tjera të Shqipërisë gjatë luftës së Kosovës

“Për 14 vite rresht kam festuar Ditën e Pavarësisë së shtetit më të ri në botë, Republikës së Kosovës me familje në Kosovë. Kësaj here, në 15-vjetorin e shtetit të Kosovës kam zgjedhur që ta festoj në shtetin e nënës Shqipëri”, tha Shpëtim Krasniqi, ish-ushtar i UÇK-së.

Për familjen kosovare, Gjirokastra, Shqipëria dhe Kosova do të jenë të lidhura përjetësisht me njëra-tjetrën

“Kurrë nuk është mjaft që të bashkëpunohet dhe të arrihet ajo për të cilën ne dhe gjithë dhe brezat e parë të tërë dhe ata që do të na pasojnë e kanë si ëndërr që të bëhet një herë e përgjithmonë, Shqipëria natyrale”, u shpreh Krasniqi.

Përgjatë luftës së Kosovës ishte i konsiderueshëm numri i familjeve kosovare që u strehuan dhe u ndihmuan nga banorët e Gjirokastrës.