“Familjarët dinë më shumë”- Gazetari për zhdukjet në Sarandë: Pista më e besueshme

Gazetari Enrik Mehmeti komentoi në emisionin “Review” në Euronews, këtë të shtunë, zhdukjen e shtetasve Fatmir Sulovari dhe Leonard Theodhori, në qytetin e Sarandës.

Mehmeti tha se familjarët e të zhdukurve dinë diçka më shumë të cilën nuk e thonë, pasi ata kërkuan që në fillim gjetjen e trupave të viktimave dhe jo gjetjen e të zhdukurve.

Gazetari shtoi se pista më e mundhsme është për pazaret e drogës dhe jo për shitjen e dyfishtë të një prone që kap vlerën e 2 milionë lekëve të reja.

“Familjarët janë ata që dinë shumë më shumë në lidhje me këtë ngjarje. Në fakt janë ata të parët që kanë kërkuar për trupa. Kanë qenë disi të bindur se të afërmit e tyre tashmë ishin vrarë. Dhe familjarët kanë shumë më shumë informacion. Për rrëmbimin për pronën nuk e besoj, pasi flitet për një shitje të dyfishtë të një prone që kap një vlerë prej 2 milionë lekë të reja, që në një kohë porositja e një vrasjeje shkon minimum 50 mijë euro.

Këto lloj vrasjesh nuk e mendoj që të investohen për të rrëmbyer dy persona për një shumë të tillë. Pista më e besueshme është ajo e trafikut të lëndëve narkotike”, tha Mehmeti.

LEXO GJITHASHTU

• Miku i të zhdukurit: Po të kërkonin lekë, jepnim 100-fishin e vlerës së tokës
• “Ikni, do hani plumbin”- Policia reagon për denoncimin e koalicionit Bashkë Fitojmë
• Zhdukja e Koçoles e Sulovarit, gazetari: Kërkime me qentë nga Kosova, çfarë dyshohet