‘Fati’ i Armando Brojës, trajneri Pochettino merr vendimin, sulmuesi lë pas dëmtimin

Skuadra e Chelseas pritet të ketë shumë ndryshime sa i përket sezonit të ri futbollistik, me trajnerin Pochettino që ka piketuar lojtarët e dëshiruar, e ata të cilët duhet t’u japë dorën.

Ish-tekniku i Tottenham ka shprehur dëshirat e tij në merkato, ndërsa njëri prej tyre është mesfushori Kaisedo.

Sipas mediave britanike, do të bëhej një ndërrim mes tij dhe sulmuesit shqiptar Armando Broja, por diçka e tillë duket se nuk do të ndodhë.

Broja do të jetë pjesë e Chelseas, ndërsa është grumbulluar për fazën përgatitore që skuadra do të zhvillojë.

21-vjeçari ka lënë pas dëmtimin e rëndë që e mbajti jashtë larg fushave për disa muaj, ndërsa do të jetë në dispozicion të argjentinasit.

Armando Broja ishte në tribunë në ndeshjet Shqipëri-Moldavi, ende jo gati për të qenë në fushë me kuqezinjtë. Kujtojmë se pak muaj më parë kreu një ndërhyrje kirurgjikale si pasojë e një dëmtimi, ndërsa tanimë ka nisur fazën e rikuperimit.

Pas kthimit në Londër ai do të jetë nën urdhrat e teknikut Pochettino edhe pse nuk e ka thënë fjalën e fundit, ndërsa nuk përjashtohet ndonjë ndryshim në ditët e fundit të merkatos.

LEXONI GJITHASHTU:

• Broja larg Chelsea, londinezët 12 largime, mes tyre dhe ‘heroi’ i Champions League
• Ndeshja me Izraelin, Broja e Laçi: Jemi përgatitur 100%, në Tel Aviv për 3 pikë