Fermeri: Të rinjtë hanë pak fruta, duan ushqime të gatshme

Fermeri Alban Çakalli tha në një intervistë për Euronews Albania se të rinjtë hanë shumë pak fruta dhe preferojnë ushqimet e gatshme, të cilat në pjesën më të madhe të rasteve janë të pashëndetshme.

Përsa i përket vendeve të Ballkanit, Shqipëria mban vendin e parë të konsumit të frutave me 190.8 kg fruta për person.

“Në fakt, sipas statistikave të EUROSTAT-it konsumimi i frutave në Europë nga të rinjtë është në rënie për shkak se po i drejtohen ushqimeve të gatshme dhe gjysmë të gatshme. Popullsia mbi 50 vjeç konsumon jashtëzakonisht shumë fruta dhe perime,” – u shpreh Çakalli.

Republika Dominikane është vendi i frutangrënësve më të mëdhenj në botë. Njerëzit në ishullin e Karaibeve hanë mesatarisht 387.2 kg fruta në vit. Kjo është e barabartë me afërsisht 1500 mollë ose 2500 banane secili.

LEXONI GJITHASHTU:

• Fermeri: Me vajin e ullirit e konkurrojmë edhe Greqinë
• BE: Prodhimi i frutave të verës në vitin 2022 ra me 6.3%