Fernandes nënshkruan kontratë të re me Man. Utd. deri në qershor 2027

Kapiteni i Manchester United, Bruno Fernandes ka nënshkruar një kontratë të re që do të zgjasë qëndrimin e tij në Old Trafford deri në qershor të vitit 2027, me opsion për një vit tjetër.

Mesfushori portugez ka shënuar 79 gola dhe ka kontribuar 67 asistime në 234 paraqitjet e tij për klubin.

“Të gjithë e dinë pasionin që kam për Manchester United. Unë mund të shoh se sa pozitive do të jetë e ardhmja dhe po shijoj ta udhëheq këtë ekip përpara,” tha Fernandes.

Ai u shpreh gjithashtu se  “nuk do ta kishte nënshkruar këtë kontratë” nëse ai nuk mendonte se “momentet e tij më të mira në një fanellë të United janë ende duke ardhur”.

Ai shtoi: “Kam pasur shumë momente të veçanta këtu tashmë. Duke dëgjuar emrin tim të kënduar nga Stretford End, duke shënuar një hat-trick kundër Leeds, duke udhëhequr ekipin në Old Trafford në netët evropiane dhe duke ngritur trofe në Wembley.”