“Figurë e lartë politike dhe njeri i Vuçiç”, Goxhaj zbulon organizatorin e Banjskës

Dritan Goxhaj, ish-luftëtar i Ushtrisë Çlirimtare të Kosovës, ka folur në emisionin “Now” lidhur me ngjarjen e ndodhur saktësisht para dy viteve mbi vrasjen e policit të rënë në detyrë, Afrim Bunjaku, si pasojë e një sulmi terrorist në Kosovë nga serbët.

Goxhaj ka zbuluar një detaj të ri për këtë çështje teksa tha se në realitet nuk është Radoiçiç organizatori i ngjarjes, dhe marrja përsipër e tij për këtë sulm është bërë për një arsye.

Ai shtoi se pas sulmit qëndron si organizatori kryesor njeriu më i afërt i Vuçiçit.

“Marrja përsipër e Radoiçiç për sulmin në Banjskë është bërë për një arsye specifike. Personi në fjalë është një figurë tjetër pjesëmarrëse, që qëndron pas sulmit. Është një figurë shumë e lartë politike, ish deputet në Kuvendin e Kosovës, i lidhur direkt me Vuçiç-in.

Agjencia e Informacionit në Kosovë është duke zhvilluar një operacion të madh me ndihmën e Shërbimeve Sekrete të NATO-s në Kosovë, për çmontimin e një rrjeti të madh spiunazhi të Serbisë në Kosovë.

Për të mbuluar personin në fjalë, që vazhdon të jetë në nivele të larta politike dhe vendimmarrëse të Serbisë dhe njeriu më i afërt i Vuçiç-it, është nxjerrë Radoiçiç për të marrë përsipër këtë që ndodhi sikur ai është organizatori, në të vërtetë nuk është Radoiçiç por ky zotëria. Perëndimi e ka të qartë se kush është ky person, organizator i kësaj ngjarje”, tha Dritan Goxhaj.

LEXONI GJITHASHTU:

• Gazetari Gjoci: Radoiçiç endet i lirë në Beograd, grupi i tij janë truproja të Vuçiç
• Shqiptari humb jetën tragjikisht në Greqi, sharra elektrike i bie në trup