Gazetari Gjoci: Radoiçiç endet i lirë në Beograd, grupi i tij janë truproja të Vuçiç
Gazetari Kosovë Gjoci ka folur në emisionin “Now”mbi akademinë përkujtimore të mbajtur në nder të policit të rënë në detyrë, Afrim Bunjaku, ngjarje e cila shënon dy vite nga sulmi terrorist në Kosovë.
Gazetari tha se u mbajtën homazhe në nder të tij, u përcollën mesazhe jo vetëm si vlerësim ndaj Bunjakut dhe punës së tij, por edhe mesazhe në formë apeli për drejtësi.
Më tej, Gjoci thekson se Kosova duket e pafuqishme përballë Serbisë sidomos kur bëhet fjalë për drejtësi, kjo pasi ka mungesë bashkëpunimi mes institucioneve.
“Kosova nuk ka fuqinë që të ketë ndikim të madh kur bëhet fjalë për Serbinë pasi mungon bashkëpunimi ndërmjet insitucioneve, sidomos atij të drejtësisë. Ajo çfarë mund të bëjë Kosova në parim është të ketë apel që Serbia ti dorëzojë këta persona dhe të kërkojë presion më të madh që ti dorëzojë këta persona përpara drejtësisë.
E shohim çdo ditë që kjo nuk do ndodhë. Ka vazhdimisht raportime që Radoiçiç endet i lirë në Beograd. Një pjesë e këtij grupi janë tashmë edhe anëtarë dhe ekip mbrojtës të Aleksandër Vuçiç.
Është zhgënjim vetëm për faktin që Bashkimi Evropian nuk e ka bërë presionin e duhur tek Serbia që të ketë ngritje aktakuze për grupin dhe Radoiçiçin ose dorëzim të tyre tek drejtësia kosovare ose ndërkombëtare.
Kemi vetëm deklarime por jo presion në mënyrë që Serbia të detyrohet të veprojë”, tha gazetari Gjoci.
Në akademi morën pjesë përfaqësues të institucioneve shtetërore, drejtues të Policisë së Kosovës dhe krerë të shtetit.
LEXONI GJITHASHTU:
Ujërat e zeza ndotin plazhin në Shkëmbin e Kavajës, pushuesit kërkojnë ndërhyrje
Matura Shtetërore 2026, më shumë nota 10 dhe më pak ngelës në Matematikë
I moshuari dhunon gruan në Pogradec, vihet në pranga. 73-vjeçarja në gjendje të rëndë niset drejt spitalit të Traumës
- 18:03 Zyrtari amerikan: Dronët iranianë nuk i arritën objektivat e tyre
- 17:58 Ujërat e zeza ndotin plazhin në Shkëmbin e Kavajës, pushuesit kërkojnë ndërhyrje
- 17:48 Temperaturat e larta, paralajmërimi i ekspertëve: Nxehtësia ekstreme rrit rrezikun për shëndetin mendor
- 17:45 41.5 gradë Celsius, Gjermania regjistron temperaturën më të lartë të të gjitha kohërave
- 17:42 Matura Shtetërore 2026, më shumë nota 10 dhe më pak ngelës në Matematikë
- 17:37 OKB vlerëson: Rreth 7 milionë njerëz janë prekur nga tërmetet shkatërruese në Venezuelë