Lidhur me tragjedinë në Koçan ka reaguar edhe ministri i drejtësisë, Igor Fillkov, duke nënvizuar se kjo nuk është vetëm tragjedi, por alarm që kërkon përgjegjësi.

“Nuk ka fjalë për këtë dhimbje…por patjetër të ketë drejtësi! Dhjetëra të rinj humbën jetën në një zjarr që nuk duhej të kishte ndodhur kurrë. Kjo nuk është vetëm një tragjedi – kjo është një alarm që kërkon përgjegjësi! Do të ketë hetim, do të ketë përgjegjësi, do të ketë drejtësi! Kushdo që ka dështuar – do të mbajë përgjegjësi! Kjo nuk duhet të përsëritet më kurrë! U prehshin ne paqe këta shpirtra te rinj”, ka shkruar Fillkov.

Prokurori Publik i Republikës së Maqedonisë së Veriut ka formuar një ekip prokurorësh që do të udhëheqë veprimet hetimore në Koçan. Prokurorët, së bashku me shërbimet e tjera kompetente, janë në terren.

Ekipi i prokurorëve përbëhet nga prokurorë nga Shkupi, Shtipi dhe Koçani, njoftojnë nga prokuroria lidhur me tragjedinë në Koçan ku mbetën te vdekur 59 persona ndërsa mbi 100 janë lënduar.

LEXONI GJITHASHTU:

• Drejtoresha e spitalit të Koçanit jep detaje mbi gjendjen e disa prej të lënduarve
• Rritet bilanci i vikitmave në RMV, 59 humbje jete dhe 148 të plagosur rëndë