Fitojnë Egnatia e Vllaznia, hap fals për ekipet e kryeqytetit

Egnatia është konfirmuar në krye të klasifikimit në Superligën Shqiptare pas javës së 23, duke treguar dhe një herë tjetër që mbetet skuadra më kompakte e garës.

Rrogozhinasit së bashku me Vllazninë ishin të vetmet ekipe që morën fitore këtë javë, e përfituan nga hapi fals i Dinamos e Partizanit.

Skuadra e Edlir Tetovës qëndron e para me 2 pikë më tepër se shkodranët, ndërsa të premten mposhti Bylisin 2-1 me golat e Lushkjas dhe Ndrecës. Në Niko Dovana, Teuta pësoi humbjen e katërt radhazi në kampionat, duke lëkundur sërish pozitat e trajnerit, Devolli. Mala, Balaj dhe Doda shënuan për shkodranët, ndërsa në anën tjetër për vendësit Beshiraj.

Të shtunën nuk u regjistrua asnjë fitore, ku të 3 duelet u mbyllën në barazim, 2 ndeshje 1-1 dhe njëra prej tyre e mbyllur me rrjeta të paprekura. Dinamo hodhi një hap fals përballë Skënderbeut, ku golat u shënuan nga Rashica për korçarët e Lorran për nëndetësen. Tirana e Bledi Shkëmbit u ndal nga Elbasani, ku edhe pse shënoi e para me Jarmouni u barazua nga Musta. Sfida e vetme pa gola e javës ishte Laçi-Partizani, në të cilën nuk u shënua asnjë gol, edhe pse kurbinasit ishin më dominues ndaj kundërshtarit.

LEXONI GJITHASHTU:

• Vllaznia pret Egnatian, trajneri Bradric vlerëson Tetovën dhe të tijët
• Java e 22-të e Superligës, Egnatia rikthehet në krye të klasifikimit