Fjalimi i Ramës në Kuvend, Bardhi: Asnjë fjalë kundër Serbisë, vetëm mllef ndaj…

Kreu i grupit parlamentar i PD, Gazment Bardhi reagoi pas fjalimit të gjatë në kuvend të kryeministrit Edi Rama lidhur me sulmin ndaj policisë së Kosovës në Banjskë në 24 shtator.

Përmes një statusi në faqen e vet në Facebook, Bardhi e cilëson të paimagjinueshme që  në 1 orë fjalim, Rama nuk tha asnjë fjalë kundër Serbisë, por vetëm mllef ndaj opozitës.

“Fatmirësisht, Kuvendi i Shqipërisë nuk ra në kurthin e tij të përçarjes për çështjet me interes kombëtar, por ka gjetur dakordësinë për të mbështetur pa rezerva Rezolutën e Kuvendit të Kosovës dhe për t’u distancuar nga qëndrimi personal i Edi Ramës kundër Kosovës, siç opozita kërkonte prej 2 javëve. Pas përpëlitjes 2 javore PS u tërhoq dhe Kuvendi i Shqipërisë është unifikuar me të gjithë faktorin politik në Kosovë, duke bërë përgjegjëse Serbinë për sulmin terrorist të 24 shtatorit dhe duke kërkuar hetim ndërkombëtar për të. Kjo shpjegon mllefin ndaj opozitës në Shqipëri, por nuk justifikon dot mungesën e reflektimit që edhe qeveria e Shqipërisë të unifikohet në qëndrime me qeverinë e Kosovës. Në vend të unifikimit dhe mbështetjes ndaj Kosovës, Edi Rama edhe sot zgjodhi të mos fshehë që ka një axhendë personale ndaj Kosovës, që nuk përputhet me interesin kombëtar dhe me interesin e Kosovës e qytetarëve të saj”, shkroi veç të tjerash Bardhi.

LEXONI GJITHASHTU:

• Rama kritika për sulmet ndaj Thaçit: Një vendim fajësie, dëmton shtetin e Kosovës
• Rama: Nëse nuk ka paqe me Serbinë, nuk garantohet qetësia në Veri të Kosovës