Flet kolegu i Anila Prendushit: Kam punuar me të, ndër psikologet më të mira

44-vjeçarja Anila Prendushi u plagos me plumb në kokë nga partneri i saj, 34-vjeçari Kolë Manaj, paraditen e kësaj të marte në Shkodër, i cili pasi qëlloi partneren vrau veten.

Prendushi punonte si psikologe dhe burime bëjnë me dije se 44-vjeçarja ishte e vetmja që kishte të ardhura në familje dhe mbante edhe të dashurin 34-vjeçar i cili nuk ishte në punë

Klajd Xhelili, psikoterapist i cili ka punuar me 44-vjeçaren Anila Prendushi tregoi në emisionin People në Euronews Albania se ajo është një nga profesionistet më të mira në fushën e saj.

“Në një nga organizatat kam pasur privilegjin të punoj me Anilën dhe besoj se është një nga ekspertet më të mira në zonën e Shkodrës, është një person sakrifikues për të gjitha grupet e margjinalizuara. Termi krim pasioni nuk është i përshtatshëm se ku ka pasion nuk duhet të ketë dhunë, por tolerancë. Për mua Anila është një nga profesionistet më të mira në qytetin e Shkodrës, njëri sakrifikues që ka punuar për mbrojtjen e fëmijëve”, tha ai.

LEXONI GJITHASHTU:

• E divorcuar dhe nënë e tre fëmijëve, e plagosura në Shkodër bashkëjetonte me autorin
• Policia njoftim zyrtar për vrasjen në Shkodër: Kush janë viktima dhe e plagosura