Policia njoftim zyrtar për vrasjen në Shkodër: Kush janë viktima dhe e plagosura

Një ngjarje e rëndë ka tronditur Shkodrën paraditen e së hënës, ku një i ri ka humbur jetën ndërsa një vajzë ndodhet në gjendje kritike në spitalin e qytetit.

Ngjarja ka ndodhur rreth orës 11:15 në lagjen “Mark Lula”, ku dy persona janë gjetur brenda një automjeti me plagë të shkaktuara nga armë zjarri.

Sipas burimeve nga Policia e Shtetit, viktima është identifikuar si Kolë Manaj, 34 vjeç, ndërsa e plagosura si Anila Prendushi.

Dyshohet se Manaj ka qëlluar me armë zjarri ndaj Anila Prendushit, duke e lënë atë në gjendje të rëndë, dhe më pas ka vrarë veten.

“Rreth orës 11:15, në lagjen “Mark Lula”, janë gjetur në një automjet, shtetasi Kolë Manaj 34 vjeç dhe shtetasja Anila Prendushi., me plagë të shkaktuara nga armë zjarri.Shtetasi Kolë Manaj ka humbur jetën, ndërsa shtetasja Anila Prendushi, është dërguar në spital, në gjendje shumë të rëndë”, thuhet në njoftimin e policisë.

Në vendin e ngjarjes kanë mbërritur menjëherë forcat policore, të cilat po kryejnë hetimet për zbardhjen e plotë të rrethanave.

Brenda automjetit është gjetur një armë zjarri pistoletë, ndërsa nuk raportohen dëmtime të jashtme në automjet.

“Nga veprimet e para rezulton se automjeti nuk ka dëmtime të jashtme të shkaktuara nga armë zjarri. Në brendësi të automjetit është gjetur një armë zjarri pistoletë”, thuhet në njotimin e policisë. Grupi hetimor, nën drejtimin e Prokurorisë, po vijon punën për të sqaruar motivet dhe dinamikën e ngjarjes”, thuhet në njoftimin e policisë.

LEXONI GJITHASHTU:

• I riu qëllon të dashurën dhe pastaj veten, detaje nga ngjarja e rëndë në Shkodër
• Arrestim në palestër, goditet grupi i shpërndarësve të drogës në Tiranë, 34 masa