Fleta e votimit, Salianji: S’besoj te numrat, PD në këto zgjedhje është e uzurpuar

Deputeti demokrat, Ervin Salianji, teksa komentoi renditjen e partive në fletën e votimit për zgjedhjet lokale tha se nuk beson te numrat por tek puna  dhe aktiviteti që bëjnë partitë.

Në një intervistë për Euronews Albania, Salianji theksoi se PD në këto zgjedhje këtë vit është e uzurpuar për shkak të keqmenaxhimit dhe të interesave personale të disa personave.

“Nuk besoj te numrat, besoj te puna dhe te aktiviteti. PD zyrtare është pothuajse inekzistente dhe ia la bosh fushën Ramës dhe Berishës. Është një dorëzim pa kushte që nuk ia vlen as të komentohet.

PD e Shqipërisë për fat të keq në këto zgjedhje është e uzurpuar për shkak të  keqmenaxhimit dhe  të interesave personale që kanë kapur për fyti drejtues të caktuar. Unë do jem kudo, në çdo protestë dhe aktivitet ku organizohen kundër qeverisë. Unë mbështes kandidatët që kanë dalë nga primaret”- tha ai.

Ndërsa komentoi ndarjen e fondit për partitë politike, Salianji nënvizoi se këto të fundit duhet të bëjnë deklarimin përkatës për shpenzimet që bëhen gjatë fushatës.

“Di të them se deklarimi për çdo shpenzim që bëhet gjatë fushatës është i detyruar për t’u bërë në Komisionin Zgjedhor të Zgjedhjeve,  ashtu si detyrimet e financimit janë të detyruara për t’u bërë publik nga KQZ”- shtoi Salianji.

LEXONI GJITHASHTU: 

• I biri u arrestua për përdhunim, flet e ëma e kryeplakut: Beqar është, i hapin namin
• Zgjedhjet lokale, Gjiknuri: Berisha kollovar në shtëpinë e Metës