Flutura Açka: Kur ta ndjej se politika po më ndot, do të largohem

Deputetja e Partisë Demokratike, Flutura Açka është shprehur për Euronews Albania se kur ta ndjejë që politika po e ndot, do të largohet vetë.

“Unë kam parë gjëra që nuk i dija. Ndryshe është nga studioja jote e shkrimtarit, nga bota virtuale ku t’i funksionin e i shikon gjërat më me ngjyra dhe të vijnë në një formë tjetër. Ndryshe është kur i prek, kur hap portën shikon çfarë mjerimi është. Kush e la në një mjerim të tillë pas 30 vjetësh? Ja pra kjo politika për të cilën po flasim. Kam hyrë me vullnet të plotë për t’u bërë pjesë dhe druhen mos të bëhem pis dhe dua të dal jo e ndotur nga kjo gjë”, u shpreh ajo.

“Nëpunësi shqiptar, deputeti shqiptar është shërbëtor i publikur shqiptar, jo arrogant, jo njeri që shet mend në parlament dhe foltore”, shtoi ajo.

Deputetja theksoi se në politikë nuk mund t’i bësh gjërat me sforco, por ku vjen momenti duhet të pranosh edhe të dalësh.

“Kur nuk ndodhin, nuk të bësh sforco dhe t’i ngjitesh kryetarit pas xhakete dhe t’i thuash që unë dua të hyj prapë. Por, duhet të pranosh që vjen një moment që duhet të dalësh. Atë moment unë do ta kuptoj, se kam aq aftësi të reflektoj mbi gjërat e mia në jetën time”, tha deputetja.

LEXONI GJITHASHTU:

• Përjashtimi i Berishës, Açka: Basha e mbajti peshën i vetëm të mos ‘infektonte’ demokratët e thjeshtë
• ‘Rama mund të blejë Bashën, por jo PD-në’, Berisha pritet me ovacione para Kuvendit
• Flutura Açka thotë se grisja e fletëve të votimit nuk kishte të bënte me Lindita Nikollën