“Fluturuan në Vjosë pas ndjekjes”, gazetari: Policia i gjeti pas dy orësh

Gazetari Elkier Bushkolaj tha në emisionin “Now” në Euronews Albania se transportimi i emigrantëve të paligjshëm brenda territorit shqiptar është kthyer në një fenomen shqetësues në vend prej 5 vjetësh.

Teksa komentoi aksidentin me 8 viktima, 7 nga të cilët emigrantë të paligjshëm mëngjesin e sotëm në Këlcyrë, Bushkolaj u shpreh se policia tregoi se nuk ka mundur ta luftojë këtë fenomen në vendin tonë.

“Shtetasi Edison Bregaj është paraqitur rreth orës 2 pas mesnate në vendin e quajtur 3 Urat në Përmet ku ka marrë 7 klandestinët. Më pas ka nisur itinerarin për të ardhur në Këlcyrë dhe më pas për të vajtur në Tepelenë, më tej drejt Tiranës me destinacion final pikën e Hanit të Hotit ku më pas bëhet kalimi drejt Malit të Zi. Në Këlcyrë ka hasur një patrullë policie. Në fakt ka pasur një kontradiktë në deklaratën  e policisë, pasi drejtori Çipa tha se automjeti është ndjekur nga policia, nuk e sqaron deri në çfarë pike, por është ndjekur. Por fakti që trupat e pajetë dhe makina është gjetur vetëm pas dy orësh tregon një çorganizim të organizuar të policisë në raport me këtë veprimtari”, tha ai.

LEXONI GJITHASHTU:

• Aksidenti me 8 të vdekur, merret në pyetje personi që i dha makinën 24 vjeçarit
• Aksidenti me 8 viktima, prokurori: Po punojmë të zbulojmë përgjegjësitë, nëse ka