FOTO | Mot i keq në Shkodër, rrëshqitje dherash në Postribë

Ulja e temperaturave ka sjellë reshje të dendura shiu në Shkodër, gjatë natës, por edhe në orët e para të mëngjesit të sotëm.

Përmes një njoftimi në rrjetet sociale, Bashkia e Shkodrës informon se ka pasur rrëshqitjeve të dherave dhe gurëve në segmentin rrugor Mes – Ura e Shtrenjtë në Njësinë Administrative të Postribës.

Bashkia ka apeluar qytetarët që të tregojnë kujdes.

“Gjatë natës dhe në orët e para të mëngjesit si pasojë e reshjeve të dendura të shiut ka patur rrëshqitjeve të dherave dhe gurëve në segmentin rrugor Mes – Ura e Shtrenjtë në Njësinë Administrative të Postribës. Bashkia Shkodër përmes firmës kontraktore ka nisur punën për pastrimin e dherave e gurëve, që sa më parë kjo rrugë t’i kthehet normalitetit në qarkullim.

Ftojmë banorët e zonës dhe udhëtarët të tregojnë kujdes gjatë lëvizjeve në këtë segment rrugor. Dëme ka patur në këtë njësi edhe në kanalin vaditës ku po bëhen verifikimet përkatëse për të nisur më pas riparimet”, thuhet në njoftimin e bashkisë.

LEXONI GJITHASHTU

• FOTO | Rikthehen reshjet e dëborës në juglindje të vendit
• Reshje shiu dhe dëbore deri të martën, parashikimi i motit për javën
• Moti i ngrohtë shkrin borën në Alpe, skiatorët mbeten pa pista