Fotografia e njohur: Ëndrrën amerikane nuk e kam pasur kurrë, por po e jetoj

Fotografja e mirënjohur Anjeza Dyrmishi, e cila prej dy vitesh tashmë jeton e punon në Shtetet e Bashkuara te Amerikes, shprehet se nuk e ka pasur kurrë ëndërr të shkoj në Amerikë. Ajo rrëfen se kishte shkuar një herë si turiste, por insistimi i një avokati që njohu nga miqtë e saj, kishte bërë që gjatë pandemisë të merrte vendimin për të lënë Shqipërinë.

Ajo tregon se falë mbështetjes që Amerika u jep artisteve, mori përgjigje pozitive vetëm 2 javë pas aplikimit të vizës.

“Për mua nuk ka qenë “ëndrra amerikane”, nuk e kam pasur ëndërr Amerikën. Unë kam ardhur në 2019-ën thjesht si turiste te disa miqtë e mi dhe ka qenë miku im me mikeshën që më thoshin gjithë kohës që ka ardhur momenti që të largohesh nga Shqipëria. Shqipëria është shumë e mirë, ka klimën dhe shumë gjëra të mnira që nuk duhet t’i hedhim poshtë, por është vend shumë i vogël. Pasi t’i ke shumë vite eksperiencë vjen një moment që t’i e ke vështirë të shkosh më larg. Unë gjëja që kisha gjetur zgjidhje është që punoja shumë në Evropë bashkë me Indritin dhe e kishim një arratisje që iknim dhe vinim. Atë e gjenim si diçka për t’i ikur rutinës. Por nuk e kisha në plan kurrë të vija në Amerikë, ka qenë komplet fat. Këta miqtë e mi ja kishin dhën numrin tim një avokati dhe ai më tha hajde te zyra të bësh letrat”, tha ajo.

LEXONI GJITHASHTU:

• Fotgrafja Dyrmishi: Nga malli, do kthehesha te klientët shqiptarë të punoja falas
• Kush është “Lorela”, tutorja shqiptare e të miturave në Greqi. Skema që përdorte