“Frika e SHBA”, gazetarja: Përplasja Serbi-Kosovë mund të dalë jashtë kontrollit

Gazetarja e Zërit të Amerikës Keida Kostreci tha në emisionin Now në Euronews Albania se frika më e madhe e SHBA pas sulmit të fundit në veri, është që përplasja Serbi-Kosovë mund të dalë jashtë kontrollit.

Sipas saj, kjo është arsyeja pse përpjekja e diplomacisë po kërkon nga të dyja palët të rinisin dialogun si e vetmja mënyrë për të shmangur një përplasje tjetër të mundshme.

“Uashingtoni është i shqetësuar mjaftueshëm se kjo gjendja mund të dalë jashtë kontrollit, kjo thuhet në një gjuhë diplomatike nga zyrtarët e lartë dhe më hapur nga ekspertët. Kjo frikë që retorika nxitëse mund të sjellë përshkallëzim të situatë ka bërë që ata të kërkojnë që palët të rikthehen urgjentisht në dialog. Ekziston një frikë që mund të bëhet situata më keq, por edhe shpresa që të dyja palët mund t’i kthehen bisedimeve”, tha gazetarja.

LEXONI GJITHASHTU:

• Opozita serbe akuzon Vuçiçin për ngjarjet në Kosovë
• “Trupat tërhiqen kur vritet kreu”- Ngjela: Serbët patën 50 të vrarë në Kosovë