Fshihte në banesë Marklen Hakën, arrestohet në Nikël një 21-vjeçar

Një 21 vjeçar me inicialet K.H., është arrestuar në vijim të operacionit policor të koduar “Liqeni i Bacungut”. Ky person akuzohet se ka ndihmuar personin me rrezikshmëri të lartë Marklen Haka, i cili u arrestua ditën e djeshme.

Gjatë kontrollit të policisë në banesën e 21-vjeçarit ku sipas njoftimit fshihej edhe Marklen Haka, është gjetur dhe sekuestruar, në cilësinë e provës materiale, një armë zjarri pistoletë.

Njoftimi i policisë:

“Në vijim të operacionit policor të koduar “Liqeni i Bacungut”, të dhënë ditën e djeshme, u arrestua shtetasi K. H., 21 vjeç, banues në Zezë, Nikël, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Përkrahja e autorit të krimit”, parashikuar nga nenet 278/4 dhe 302 të Kodit Penal.

Gjatë kontrollit të banesës së shtetasit K. H., (banesa ku fshihej shtetasi M. H., alias M. A.) është gjetur dhe sekuestruar, në cilësinë e provës materiale, një armë zjarri pistoletë.

Materialet i kaluan Prokurorisë”.

LEXONI GJITHASHTU:

• I shpallur në kërkim nga SPAK, arrestohet në Nikël Marklen Haka
• Kundërshtar i Durim Bamit, ndalohet në Dubai Marklen Haka