Funari, perla turistike mes katër liqeneve, lihet në harresë nga autoritetet

“Ndodhemi vetëm 25 km larg qytetit te Elbasanit në fshatin e quajtur Funar. Duke qenë se jemi ne çeljen e sezonit turistik natyra dhe pamja është ajo çka ofron zona e Funarit, por duket se investimet në këtë zonë janë mjaft të pakta.

Siç duket edhe pamjet, infrastruktura është mjaft e dëmtuar dhe lë për të dëshiruar për turistët që vijnë për të shijuar zonën e Funarit”, tha gazetarja e Euronews Albania, Iris Shabani.

Edhe pse natyra është mbresëlënëse, investimet në këtë zonë thuajse nuk ekzistojnë. Ata pak pushuesh që e frekuentojnë tregojnë problemet që hasin.

 “Ti e shikon vete s’ka nevoje për koment besoj, le për të dëshiruar”,-tha një djalë.

 “Rruge s’ka asgjë fare shume vite po bën unë kam 10 vjet që kam ikur ne Kavaje, i ka penguar vetëm rruga.”,-tha qytetari.

 “Investime thashë e para është infrastruktura për shkak te saj ka shume mungese qe kane ardhur sot se gjynah të marrësh makinë 20 mije euro te vish këtu ta dëmtosh. Po herën e pare na duhet rruga qe te rregullohet është kryesore po pat rruge ka zhvillim po spat rruge s’ka zhvillim”,-thanë qytetarët.

Funari është një nga pikat turistike më të bukura që ka qarku i Elbasanit. Besnikët e tij mbeten të apasionuarit e natyrës dhe sporteve ujore.

 “Funari është një atraksion turistik një destinacion qe duhet te zgjerohet akoma me shume për rininë te gjitha lojrat por edhe pak sporte ekstreme si kanoing, parashutizmi”,-tha një djalë i vogël.

Zona e Funarës rrethohet nga malet të cilat përshkohen nga 3 përrenj. Edhe pse bashkia e qytetit organizon festa për promovimin e zonës, sërish asnjë biznes në funksion të turistëve nuk është ngritur në këtë vend.

LEXONI GJITHASHTU:

• Arrihet marrëveshja për kushtet e punës në BE, punonjësit kontestojnë kriteret
• VIDEO| Gjenden brenda trupit të peshkaqenit koka dhe eshtrat e 23-vjeçarit në Egjipt