Fundi i Mbappe tek PSG, sulmuesi sulmoi drejtuesit e klubit

Deklaratat e shpeshta në media rreth së ardhmes së tij, kanë bërë që Kylian Mbappe të jetë në qendër të vëmendjes.

Sulmuesi francez kërkon me çdo kusht largimin nga Parisi, ndërsa marrëdhëniet mes palëve janë krisur. Së fundmi, krijoi një problem më të madh me klubin, ku në një prej intervistave dhënë për France Football, nuk i kurseu kritikat për drejtuesit e klubit, lojtarët e madje dhe stafin.

Pas deklaratave të tilla, Mbappe mund të cilësohet padyshim lojtari më i urryer në kampin parizien, ndërsa bëhet me dije që 6 futbollistë janë ankuar.

Kontrata e Mbappe përfundon verën e ardhshme, ndërsa parimisht sulmuesi ka arritur akordin me Realin e Madridit. Duke parë dhe ndodhitë e fundit në klub, nuk është e çuditshme që shifra e vendosur nga Al Khelaiffi të ulet, për të pasur një shitje më të shpejtë të tij. Krahas Realit, edhe Liverpool dëshiron të transferojë 24-vjecarin, por mungesa në sezonin e ardhshëm në Ligën e Kampionëve, bën që kjo pistë të bjerë.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• Festë në Kamerun për vizitën e Mbape
• Sa drithëra u përdorën për realizimin e mozaikëve të Messi dhe Mbape, flet artisti