Ministria Ruse e Kulturës anuloi Bienalen e 9-të të Artit në Moskë, e cila supozohej të kishte temën “Skenografia e ndjenjave”.

Ekspozita ishte menduar të hapej më 7 nëntor në galerinë “Tretyakov”, por vendimi për anulimin e saj u mor vetëm tre ditë para fillimit.

“Galeria Tretyakov është një thesar i artit rus. Dëshira për të mbajtur një ekspozitë këtu, dhe jo në ndonjë mjedis privat apo korporativ, duhet të shoqërohet me përgjegjësi ndaj kontekstit artistik dhe etik të ekspozitës”, thuhet në njoftim.

Që nga fillimi i luftës në Ukrainë, disa ngjarje janë anuluar në Rusi dhe është futur një sistem censurimi.

Para ekspozitës, organizatorët duhet të kontrollojnë nëse ndonjë prej artistëve është në “listën e zezë” dhe të përjashtojnë artistë të tillë nga programi i tyre.

LEXONI GJITHASHTU:

• Bienalja e Kërcimit rikthehet në Francë pas 1 viti ndërprerje
• Një pyll shfaqet brenda natës në Bienalen e Dizajnit në Londër