Fundjava e kulturës në Tiranë. Ja shfaqjet që mund të ndjekin artdashësit

Kjo fundjavë është e mbushur plot me aktivitete kulturore, për të gjitha moshat.

Artdashësit, do të kenë mundësinë të ndjekin, duke filluar që nga sot në orën 20.00 në Teatrin Eksperimental shfaqen “Gruaja e Thyer” e Simone de Beauvoir, me regji të Endri Çelës dhe interpretim të Adriana Tolkës.

“Orfeu zbret në ferr”, shfaqja që ka tërhequr vëmendjen e publikut, do të vijojë të tërheqë edhe më shumë publik, në orën 19.00 në skenën e Teatrit Kombëtar, për tre ditë me radhë.

Sopranoja e njohur Ermonela Jaho, do të jetë pjesëmarrëse në Teatrin e Operas në masterclass-in ndërkombëtar, akademia teatrale, nga data e sotme e deri më 18 prill.

 Për publikun e vogël, në orën 11:00 në Teatrin e Operas, luhet vepra “La Traviata” e Giuseppe Verdit përshtatur për fëmijë.

LEXONI GJITHASHTU:

• 4 filma shqiptarë në Spanjë. Krijimtaria e Xhanfise Keko në Muzeun “Renia Sofia”
• Shqipëria dhe Kosova nënshkruajnë marrëveshjen për kërkimin shkencor
• U izolua në shpellë për 500 ditë, atletja rrëfen përvojën e çuditshme