“Futbolli është i lirë”, shefi ekzekutiv i Super Ligës Europiane reagon pas vendimit

Gjykata Europiane e Drejtësisë, i dha të drejtë këtë të enjte themelimit të Superligës Evropiane gjë që u prit me debate e polemika në botën e futbollit.

Megjithatë shefi ekzekutiv i këtij projekti duket të jetë i kënaqur për vendimin pro Super Ligës në “luftën” me UEFA-n dhe FIFA-n.

Bernd Reiçart u shpreh se futbolli tashmë është i lirë dhe se nuk do të ketë më një monopol nga UEFA.

“Kemi fituar të drejtën të marrim pjesë. Monopoli i UEFA-s mbaroi. Futbolli është i lirë. Tani klubet nuk do të vuajnë më kërcënime dhe sanksione. Ata janë të lirë të vendosin vetë të ardhmen e tyre. Për fansat, në do të transmetojmë çdo ndeshje të Super Ligës falas. Për klubet, fitimet dhe pagesat në solidaritet me futbollin janë të garantuara”, tha në prononcimin e tij shefi ekzekutiv i Super Ligës Europiane.

Çfarë është Superliga Europiane?

Në prill të vitit 2021, klubet elitare të futbollit europian, zyrtarizuan krijimin e SuperLigës, një event jashtë kontrollit së UEFA-s dhe Fifas, i cili ne thelb parashikonte ndeshje mes klubeve më të mira në një kampionat të vetëm.

12 klubet që vendosën të krijonin SuperLigën janë: Real Madrid, Barcelona, Atl. Madrid, Juventus, Milan, Inter, Chelsea, Liverpool, Man. United, Man. City, Arsenal e Tottenham.

LEXONI GJITHASHTU:

• Disa të vdekur e të plagosur pas sulmit me armë në Pragë, ekzekutohet autori
• Shangai i Kinës përballet me të ftohtin më të keq në 40 vite