Futbollisti i ri humb jetën pas rrëzimit tragjik gjatë ndeshjes
Futbollisti i talentuar i Millonarios FC, Santiago Castrillon, ndërroi jetë pas një rrëzimi të rëndë gjatë një ndeshjeje në Kampionatin Kombëtar U20 të Kolumbisë, më 21 mars 2026. Ai u transportua me urgjencë në një spital të specializuar në pjesën veriore të qytetit dhe u trajtua në Njësinë e Kujdesit Intensiv nga mjekët kardiologë, por përpjekjet për ta shpëtuar nuk rezultuan të suksesshme. Castrillon ndërroi jetë të dielën, i rrethuar nga familja, shokët e skuadrës dhe miqtë e tij.
Klubi Millonarios FC njoftoi lajmin e trishtë më 23 mars, duke shprehur dhimbjen e thellë për humbjen e futbollistit të ri.
“Sot futbolli ndalet. Zemra blu është e thyer. Dhimbja na mposht, duke na mbushur me pafuqinë dhe trishtim të thellë. Santiago nuk luajti vetëm futboll. Ai e jetoi, e ndjeu dhe e ndau me një buzëqeshje që do të mbetet e skalitur në kujtimet tona”, thuhet në njoftimin e klubit.
Santiago Castrillon konsiderohej një nga talentet më premtuese të futbollit kolumbian, dhe vdekja e tij lë një boshllëk të madh tek skuadra dhe komuniteti sportiv i vendit. Klubi dhe tifozët kanë bërë thirrje për lutje dhe ngushëllime për familjen dhe të dashurit e tij.
“Me hidhërim të thellë, i themi lamtumirë numrit tonë 10, shokut tonë të ekipit, mikut tonë. Santiago nuk luajti vetëm futboll. Ai e jetoi, e ndjeu, e ndau me një buzëqeshje që tani është gdhendur në të gjitha kujtimet tona. Familjes dhe të dashurve të tij, u dërgojmë një mesazh force në këtë moment të pakuptueshëm. Santiago, shoku ynë i dashur i ekipit, pusho në paqe”, thuhet në postimin e Millonarios.
Millonarios FC informa que el pasado sábado 21 de marzo el jugador Santiago Castrillón sufrió un colapso durante un partido del Torneo Nacional Sub20.
— Millonarios FC (@MillosFCoficial) March 23, 2026
Inmediatamente fue atendido por los médicos del equipo y trasladado en ambulancia a un centro hospitalario de alta complejidad… pic.twitter.com/dmWiJNUNMw
Protestat në Tiranë, Gjyli: Mendimi ndryshe po përballet me linçim në rrjete sociale
Analisti Lita: Protestat në Tiranë do të vazhdojnë deri në mbylljen e tranzicionit
E rëndë në Kavajë, u godit me thikë nga vëllai, humb jetën një person
- 08:26 Vinicius Junior shkëlqen me dy gola në fitoren e Brazilit ndaj Skocisë
- 08:21 Afrika e Jugut mposht Korenë e Jugut, kalon fazën e grupeve për herë të parë
- 08:19 Tajfuni godet Tajvanin, 200 persona evakuohen nga shirat e rrëmbyeshëm. Mbyllen shkollat
- 08:13 Vrasja e 74-vjeçarit në Kavajë, zbardhen detaje të reja nga konflikti mes dy vëllezërve
- 08:12 Reagon Trump për tërmetin shkatërrues në Venezuelë: Numri i viktimave është i frikshëm, SHBA mobilizohen në ndihmë të tyre
- 08:09 “Mos e çoni as ndërmend të jepni dorëheqjen”/ Rama publikon mesazhin e qytetarit: Nuk ka forcë që na ndal