Futja e njeriut të Vuçiç në emrat e qeverisë së re “trazon” Maqedoninë e Veriut

Të shtunën nisin në Maqedoni të Veriut debate për qeverinë e re, e cila duhet të votohet deri të dielën në mesnatë.

Debati pritet të jetë i ashpër, veçanërisht duke pasur parasysh reagimet e shumta që ka patur për Ivan Stoilkoviçit, të cilit i është besuar posti i zv.kryeministrit.

Bindjet e tij pro-ruse, pjesëmarrja në Forumin e Sigurisë në Moskë dhe mungesa certifikatës së sigurisë nuk do ta pengojnë Stoilkoviqin për të kryer detyrën e ministrit për Marrëdhënie mes Bashkësive, aq më pak sipas kryeministrit Mickoskit ai nuk do të mund t’i shtrij bindjet dhe ndikimin e tij në Qeveri.

“Unë i besoj sinqeritetit dhe korrektësisë së tij dhe pozicioneve të tij pro-atdhetare. Sa i përket certifikatës së sigurisë, unë mund të ju numëroj një grup funksionarësh të cilët nuk kanë pasur certifikata por ishin anëtarë të Qeverisë”, deklaroi Hristijan Mickoski, i mandatuari për kryeministër.

Në maj të vitit të kaluar, Stoilkoviq mori pjesë në Samitin e 11 të Sigurisë në Moskë në shoqëri të drejtorit të BIA-s serbe, Aleksandar Vulin, Ministrit të Jashtëm serb, Ivica Daçiç dhe presidentit të Republikës Sërpska, Millorad Dodik. Ivan Stoilkoviqit konsiderohet si njeriu i Vuçiç në qeverinë e Maqedonisë së Veriut. Ai nuk e njeh pavarësinë e Kosovës, terroristët e Banjskës i ka konsideruar heronj dhe refuzon gjenocidin në Bosnjë-Hercegovinë.

Fronti Evropian akuzoi koalicioni VLEN se Marrëveshjen e Ohrit po e lë në duart e një serbi.

LEXONI GJITHASHTU:

• Maqedoni e Veriut| BDI kritikon koalicionin mes VLEN dhe VMRO-DMPNE
• Nisin punimet për linjën 400 KW Shqipëri-Maqedoni e Veriut, flet Ministrja Balluku