Gattusso prezantohet te Italia: Ëndërr e bërë realitet, shpresoj ta përballoj

Genaro Gattuso ka nisur zyrtarisht nga puna si trajner i kombëtares italiane të futbollit, ndërsa këtë të enjte është bërë prezantimi i tij. I shoqëruar nga presidenti i federatës Gabriele Gravina dhe miku i tij Buffon, 47-vjeçari ka rrëfyer emocionet për këtë aventurë të re.

“Është një ëndërr e bërë realitet dhe shpresoj se jam në gjendje ta përballoj . E di që detyra nuk është e lehtë, por nuk ka asgjë të lehtë në jetë. Unë dhe stafi im e dimë se ka shumë punë për të bërë, por gjithashtu e dimë se mund të bëjmë një punë të mire. Qëllimi është ta sjellim Italinë përsëri në Kupën e Botës sepse është thelbësore për futbollin dhe kombin tonë.”

Më tej, Gattuso ka analizuar gjendjen e komëbtares dhe atë se çfarë pritet të ndryshojë.

“Entuziazmi, dëshira për të qenë bashkë dhe të bashkuar. Këto ditë kam një ide të qartë se çfarë duhet bërë. Duhet të rizbulojmë entuziazmin tonë dhe të mos mendojmë negativisht. Duhet të jemi në gjendje të krijojmë një familje. Në këtë moment, modulet dhe taktikat nuk janë të rëndësishme, por grupi dhe mentaliteti që na ka dalluar në botë për kaq shumë vite”, deklaroi ish-lojtari.

Gattuso ka firmosur një kontratë 1 vjecare si trajner i axurrëve, por me të drejtë rinovimi, ndërsa objektiv është kualifikimi në Kupën e Botës. Ai do të përfitojë 1,1 milionë euro në 12 muaj, bazuar në firmën e hedhur.

LEXONI GJITHASHTU:

• VIDEO/ Zhgënjim në Letoni, Kombëtarja nuk shkon më shumë se barazimi 1-1
• Gattusso drejt stolit të kombëtares italiane, bind drejtuesit e federatës