Brukseli ka dështuar në negociata mes Kosovës dhe Serbisë dhe marrëveshja e formuluar nuk ka asnjë vlerë. Kështu shkruan e përditshmja gjermane “Die Welt” e cila përmes një artikulli të gjatë thotë se i Dërguari i Posacëm për dialogun mes dy vendeve, Miroslav Lajcak, duhet të ishte shkarkuar.
“Është e hidhur të shohësh se si europianët – njësoj si më parë në Siri dhe Libi – edhe në rastin e Kosovës po dështojnë strategjikisht dhe politika europiane gjendet faktikisht para një grumbulli me rrënoja. Marrëveshja mes Kosovës dhe Serbisë, e formuluar nën drejtimin gjermano-francez, sipas gazetës gjermane, nuk ka vlerë. Bisedimet mes palëve nën drejtimin e Brukselit nuk janë sjellë asgjë prej vitesh. Miroslav Lajçaku, i dërguari i posaçëm i BE-së për dialog mes Beogradit dhe Prishtinës, ka dështuar dhe duhej të ishte shkarkuar me kohë”, thuhet nw artikull.
Gabim trashanik është cilësuar në këtë artikull qëndrimi shumë i butë ndaj presidentit Vuçiç, ndërsa i bëhet thirrje Uashingtonit të ndërhyjë, pasi konflikti rrezikon të përhapet.
“Edhe sa kohë dëshiron Uashingtoni ta këqyrë këtë situatë? A po e vëren edhe presidenti i SHBA-ve Joe Biden rrezikun e përhapjes së zjarrit? Mes qeverive të Kosovës dhe Serbisë nuk ka më besim. Ky është një problem i madh. Sigurisht edhe kryeministri i Kosovës Albin Kurti ka bërë gabime,por arsyeja e vërtetë e tensioneve është politika destruktive e Vuçiçit. Ishin huliganët kriminelë serbë të futbollit që në pranverë sulmuan ushtarët e NATO-s dhe i lënduan rëndë. Frika nga radikalizimi i mëtejshëm i Serbisë, por edhe nga një aleancë edhe më e ngushtë mes Beogradit dhe Moskës po e bën Perëndimin të tregohet shumë i butë ndaj Vuçiçit. Ky është një gabim trashanik”, vijon artikulli.
Plani franko-gjerman që iu vu në tryezë Kurtit dhe Vuçiç për normalizimin e marrëdhënieve mes dy vendve duket se nuk ka funksionuar, për këtë aryse në shkrimin e publikuar nga gazeta gjermane, kërkohet ndërhyrja e presidentit Joe Biden.
LEXONI GJITHASHTU:
- Stojkoviç: Janë 10 serbë që kanë vdekur në sulmin terrorist në Kosovë
- Komandanti i Speciales: Krenar për djemtë tanë, pamë terroristët duke vrapuar e qarë
- Video| Pamjet me dron kur terroristët serbë largohen me vrap mes pyjeve