Gazetari: 40-vjeçarja shqiptare e denoncoi 3 herë ish-burrin para se ai ta vriste

“Janë bërë tre denoncime, por autori u la i lirë”, tha Etmond Guri ndërsa fliste mbi ngjarjen e rëndë të shënuar një ditë më parë në Greqi Ku 50-vjeçari Eduart Danaj i mori jetën bashkëshortes së tij Enkelejda Danaj.

Gazetari tha dhuna në familje është bërë një fenomen shumë shqetësues në Greqi e për këtë mjafton të shikojmë se sa denoncime bëhen për raste të tilla, por për fat të keq reagimi është shumë i pakët nga policia dhe organet ligj-zbatuese.

“Janë tre denonvime të bëra për dhunë brenda në familje nga viktima, por edhe pse policia greke pati ndaluar autorin, prokurori në dy rastet e fundit e ka lënë të lirë. Ky është një problem i shoqërisë greke.

Është një fenomen në të gjithë Greqinë, mjafton të themi një statistikë që është shumë shqetësuese, brenda dy javëve janë bërë 1800 denoncime për dhunë në familje, shifër alarmante, nga këto vetëm 960 prej tyre janë arrestuar”,-tha gazetari.

LEXONI GJITHASHTU:

• “E goditi gruan 6 herë, i la thikën në trup”-gazetari jep detaje nga vrasja në Greqi
• “Do të vras, do bëhesh si nëna jote”, 50-vjeçari që vrau gruan kërcënoni dhe vajzën