Gazetari Burimi ngre alarmin: 30 vdekje nga skuteri në një vit në Paris

Së fundmi qytetarët e Parisit kanë votuar për të ndaluar marrjen me qira të skuterëve elektrikë në qytetin e tyre, duke i dhënë një goditje operatorëve të skuterëve dhe një triumf për aktivistët e sigurisë rrugore.

Pothuajse 90% e votave të hedhura të dielën favorizuan ndalimin e pajisjeve me bateri, treguan rezultatet zyrtare.

Gazetari Genc Burimi tha në emisionin GoodMorning Albanians në Euronews Albania se përdorimi i skuterave në rrugët e Parisit është kthyer në një rrezik.

Burimi u shpreh se 30 persona kanë humbur jetën në një vit për shkak të aksidenteve me skuter.

“Parisi është sot vendi që e përdor më shumë skutera në të gjithë Evropën, sot janë 500 mijë vetë që përdorin skuterin, janë 15 mijë skutera që jepen me qira në Paris. Kjo ka çuar në rritjen e numrit të aksidenteve. Në 2019 ishin 10 të vdekur në aksident në të gjithë Francën, ka sot Në një vit janë 30 vdekje vetëm në Paris”, tha Burimi.

LEXONI GJITHASHTU:

• Eksperti: Kaska e jeleku fosforeshent janë të detyruara për skuterat gjatë natës
• Paris, 90% e qytetarëve kundër përdorimit të skuterave