Gazetari Ferhati: Sulmet ndaj SPAK-ut, shkak dosjet e forta nën hetim

Shigjetimi i SPAK-ut jo vetëm nga Rama, por dhe nga eksponentë të tjerë të politikës të shtyn të mendosh se kjo po ndodh për shkak të dosjeve me rëndësi që janë nën hetim.

Konkretisht gazetari Eni Ferhati përmendi çështjen e inceneratorëve apo sterilizimit. Ai tregoi se ka dosje të tjera që po hetohen ku janë të përfshirë kryebashkiakë dhe drejtorë të niveleve të ndryshme.

Ferhati solli në vëmendje statistikat e Prokurorisë së Posaçme që treguan se në vitin 2021 janë hetuar rreth 1500 zyrtarë.

“Nuk ka një standard të kallëzimit të çdo ish-magjistrati që shkarkohet nga detyra për pasuri të paligjshme apo mos justifikim pasurie. Prokuroria e Posaçme ka marrë me iniciativë disa ish-gjyqtarë të lartë, bëhet fjalë për dy ish-gjyqtarë të Gjykatës Kushtetuese dhe një ish-gjyqtar të Gjykatës së Lartë,” – u shpreh gazetari.

Sipas Ferhatit mund të kemi të bëjmë me një standard të dyfishtë kur jo të gjithë gjyqtarët merren në hetim.

Komisionet e vetingut mund të bëjnë kallëzime pranë organeve kompetente, por kemi vetëm një pjesë të gjyqtarëve të lartë që po hetohen kur në fakt gjyqtar të niveleve të ulëta mund të kenë më shumë pasuri.

“Kryeministri dihet me kë nuk ka relata të mira nga kryebashkiakët, pa e paragjykuar gjithsesi, por kjo mbetet për t’u parë në vazhdimësi dhe nëse njësia anti-korrupsion do t’i çojë Prokurorisë së Posaçme vërtetë prova dhe fakte që mund t’i vlejnë hetimit apo do mbetet në kuadrin e populizmit, pra që ne denoncojmë jo vetëm krahun tjetër politik, por dhe tanët.” – përfundoi Ferheti ndërsa u pyet për kryebashkiakët socialistë që do të kallëzohen në SPAK.

LEXONI GJITHASHTU:

• Gazetari Ferhati: Edhe për Lleshajn thuhet se ia kërkuan shkarkimin, s’ishte dorëheqje