Gazetari Kasapi: Sulmi në Bucha është gjenocid

Gazetari Julian Kasapi deklaroi se sulmi në Bucha mund të konsiderohet gjenocid.

“Nëse nuk mund të themi për këtë rast që është gjenocid, s’di për çfarë mund të themi tjetër,” – u shpreh Kasapi për “Now” në Euronews Albania.

Gazetari i cili ka qenë në Ukrainë, tregoi se në Bucha është rasti i parë ku është gjetur një varr masiv me civilë të vrarë, të cilëve u janë lidhur duart dhe janë ekzekutuar.

Ai tregoi se nuk mund të pretendojmë se sulmi është kryer nga ushtria ukrainase duke qenë se Bucha ka qenë nën kontrollin e ushtrisë ruse.

Zona në dalje të Kievit, nuk ka pasur fare trupa ukrainase që prej fillimit të luftës. Ndërkohë, dëshmitarë okularë tregojnë se rusët kanë marrë peng qytetare dhe kanë qëlluar pa paralajmërim mbi civilët në qytet.

Për më tepër sulmi në Bucha, sipas gazetarit është i dokumentuar dhe në filmime, gjë që nënkupton se të gjitha janë prova për gjenocidin e kryer.

LEXONI GJITHASHTU:

• Disa shtete dëbojnë diplomatët rusë në përgjigje të masakrës në Bucha