Gazetari: Kisha e Laçit ka probleme me tokat, në gjyq me banorët

Pronat janë ndër arsyet kryesore pse shqiptarët zihen, konfliktohen dhe shkojnë deri te vrasja e njeri-tjetrit.

Çështje të tilla jo pak herë përfundojnë edhe me gjyqe dhe zgjaten për vite me radhë dhe nuk marrin as zgjidhje përfundimtare.

Gazetari Eraldo Harlicaj tha në emisionin GoodMorning Albanians në Euronews Albania se probleme me pronën e tokës ka edhe Kisha e Laçit, që është në gjyq me pronarët.

“Për ta kuptuar se sa problematike është çështja e pronave në Shqipëri, edhe kisha katolike, me dy institucionet më të rëndësishme të saj; kisha e Shën Ndout në Laç dhe ajo në Rubik kanë probleme me pronat. Janë të zgjatura ndër vite dhe vazhdojnë proceset gjyqësore, është në gjyq me personat që jetojnë atje për pronat. Në kishën e Laçit procesi është në përfundim, kisha e ka fituar çështjen e saj. Në momentin kur përfshihen edhe institucionet fetare në këtë gjë, imagjinoni sa e vështirë është për individët”, tha gazetari.

LEXONI GJITHASHTU:

• Pronat, ndër arsyet më të shpeshta pse konfliktohen e vriten shqiptarët
• Konflikt për pronat mes dy familjeve në Vaun e Dejës, parandalohet tragjedia