Pronat janë ndër arsyet kryesore pse shqiptarët zihen, konfliktohen dhe shkojnë deri te vrasja e njeri-tjetrit.
Çështje të tilla jo pak herë përfundojnë edhe me gjyqe dhe zgjaten për vite me radhë dhe nuk marrin as zgjidhje përfundimtare. Ligji për pronat është shumë i diskutuar por jo pak herë zgjedhin që të bëjnë vetëgjyqësi.
Nuk janw të pakta rastet kur qytetarët janë konfliktuar për një tokë, për një gardh apo një pemë që ndan parcelat e dy familjeve të ndryshme. E madje kanë përfunduar deri në tragjedi.
Rasti i fundit i kanosjes me armë
Prona u bë shkak që 4 persona të dy familjeve të ndryshme konfliktohen me njëri-tjetrin në Vaun e Dejës. Sipas policisë, është vënë në pranga një 53-vjeçar pasi dyshohet se bashkë me djalin e tij kanë kanosur me armë zjarri 2 vëllezër. I riu me inicialet A.G është ende në kërkim nga blutë.
LEXONI GJITHASHTU:
- Konflikt për pronat mes dy familjeve në Vaun e Dejës, parandalohet tragjedia
- Pronat, në 7 vite 4,5% kompensime. Raporti i KLSH gjen shkelje në ATP
