Gazetari Leka: Rama “lau duart” me Taulant Ballën, ja misioni që ka

Gazetari Martin Leka deklaroi në një intervistë për “Now me Erla Mëhillin” në Euronews Albania se kryeministri Edi Rama i dha postin e ministrit të Brendshëm Taulant Ballës si një formë falënderimi për kontributin e këtij të fundit në Partinë Socialiste.

Sipas gazetarit dhe vetë Balla është i vetëdijshëm që ky është posti më me rëndësi që ka shansin të ketë dhe për këtë arsye do bëjë çmos për t’i çuar Ramës rezultate konkrete.

“Unë mendoj që Balla e ka shansin e fundit në karrierën e vet në mazhorancë. Rama i ka shlyer borxhin e madh për gjithë kontributin në PS me këtë post. Kishte kohë që përflitej dhe nuk po e merrte dot. Unë mendoj që është fiks post për të larë duart sepse ministri i Brendshëm më jetëgjatë është Saimir Tahiri. Këtu duhet parë dhe ana pozitive e Ballës, në atë që mendoj se ai e di edhe vet që këtë e ka postin e fundit si shpërblim për kontributin në PS, kështu që do të mundohet të shkojë te Edi Rama me notat dhe ngjyrat që kërkon ai,” – u shpreh Leka.

LEXONI GJITHASHTU:

•  Analisti: Balla si Flamur Noka, as i afrohet Sandër Lleshaj
• Denis Dyrnjaja: Sot Balla pranoi që policia ka falimentuar, ja ku gaboi