Gazetari nga Pekini: Kinezët ‘të çmendur’ pas Messit, më i preferuar se Ronaldo

Gazetari Edison Myrteza deklaroi nga Pekini se kinezët donin që Argjentina të fitonte Kupën e Botës, pasi kanë idhull Lionel Messin.

Në një intervistë për Euronews Albania, Myrteza u shpreh se rrugët e Pekinit dhe qendrat tregtare ishin mbuluar me banderola të futbollistit argjentinas.

Sipas tij, Messi është më i preferuar se Ronaldo në Kinë.

“Dy prej distrikteve kryesore kanë zona të mëdha përsa i përket qendrave të mëdha turistike, ekrane super gjigande të cilat kishin bluzën apo veshjen e Messit. Duke se kinezët ishin të çmendur dhe donin patjetër që Messi të fitonte. Shumë lokale apo restorante ishin të tejmbushura, pavarësisht sfidës me virusin, pikërisht për të parë finalen mes Argjentinës dhe Francës.

Kina ka qenë e çmendur pas Messit, kjo jo vetëm nëpërmjet fotove të cilat duket se u shfaqën në rrjetet sociale, por edhe vizita që vetëm para disa vitesh Messi ka bërë në Kinë ka krijuar idhullin dhe dashurinë për popullin kinez. Pavarësisht se futbolli kinez kontribuon me miliona dollarë për rritjen dhe zhvillimin e futbollit, ka qenë një konkurrencë midis Ronaldos dhe Messit, sepse të dy kanë qenë në Kinë, kanë financiuar për klube të rëndësishme. Messi ka qenë shumë herë më i preferuar”, theksoi ai.

LEXONI GJITHASHTU

• Argjentinasit kthehen në Buenos Aires, mijëra tifozë presin kampionët e botës
• Argjentina po përgatit një pritje spektakolare për futbollistët
• Pritja 36-vjeçare e albiçelestëve për Kupën e Botës, Messi ‘kopjon’ Maradonën