Gazetari: Rezoluta për Ligjin e Luftës ka karakter sensibilizues, s’ofron zgjidhje

Gazetari Panajot Barka e ka cilësuar ligjin e luftës, në një lidhje të drejtpërdrejt në Euronews Now, thjesht si një përpjekje për ndërkombtarizimin e çështjes. Duke ju referuar kështu Bashkimit Europian dhe BE-së.

“Po të vini re rezolutën kërkon t’a shndërrojë këtë problem jo midis dy vendeve, por ta ndërkombtarizojë, për arsye se i kërkon Ministrisë së jashtme të informojë NATO-n dhe Bashkimin Europian. Pra t’i krijohet presion Greqisë nëpërmjet aleatëve tanë.”-tha ai.

Në vazhdim sa i përket çështjes së pronave që shqiptarët kanë në Greqi, gazetari shprehu pakënaqësitë e tij lidhur me politikën e Shqipërisë, ku u shpreh kështu:

“Gjatë 11 viteve që ka qenë në fuqi Traktati i Miqësisë, më shumë jemi përpjekur ne si individë për të ndihmuar miq dhe shokë shqiptarë për të marrë pronat në Greqi, sesa janë munduar politikanët dhe qeveria me akte të tjera normative. Nëse duam vërtetë të heqim ligjin e luftës duhen bisedime nga të dyja palët , sesa shpallje të njëanshme”

Zgjidhja sipas gazetarit është rinovimi i Traktatit të Miqësisë, ku theksi duhet t’i vihet nenit 3, i cili ka në thelb zgjidhjen e çështjes së pronave.

LEXONI GJITHASHTU:

• “Absurditet 84-vjeçar”, Çuçi: Ligji i luftës nuk i bën nder fqinjëve tanë jugorë
• Ligji i Luftës| Manjani: Shqiptarët e grekët s’kanë pasur kurrë konflikte mes tyre