Gazetari: Si u gjend i vdekur i riu shqiptar në Angli

Gazetari Ervin Gjonaj ka treguar detaje në lidhje me ngjarjen e rëndë të ndodhur në Angli, ku një i ri shqiptar u gjet i vdekur në banesë.

Në emisionin “Now” në Euronews Albania, Gjonaj bëri të ditur se autoritetet, ende nuk kanë deklaruar nëse i riu po qëndronte në shtëpi bari.

Sipas tij, mediat lokale kanë shkruar se çatia e banesës ishte përfshirë nga flakët.

“Në fakt, kanë qenë vetëm mediat lokale të zonës ku ka ndodhur ngjarja, që kanë shkruar. Nuk ka pasur një komunikatë më të gjerë as nga policia, as nga zjarrfikse. Akoma nuk është vendosur se ka qenë shtëpi bari, në kontekstin e informacionit. Si policia, edhe zjarrfikset nuk e kanë cilësuar si vend që ka qenë skenë e krimit të shtëpisë së kanabisit.

Mediat e zonës lokale ku ka ndodhur ngjarja thjesht kanë cituar se një zjarr është parë në dy të natës, është djegur vetëm pjesa e çatisë. Akoma policia nuk ka dalë në një komunikatë zyrtare se çfarë ka gjetur brenda”, theksoi ai.

Viktima është identifikuar si Mariglen Ruçi, 24 vjeç, i cili dyshohet se ka humbur jetën si pasojë e asfiksisë. Policia britanike është duke hetuar ngjarjen e rëndë.

LEXONI GJITHASHTU

• Shqiptari rrëfen dramën: Si emigrova në Itali me fuçi, tmerri në mes të detit
• Ndërron jetë shqiptari në Britani, zjarri përfshiu shtëpinë e barit ku qëndronte
• Tragjedia me emigrantët, reagon kryeministri britanik: Dhimbje për ngjarjen