Gazetarja Aida Topalli ishte një lidhje direkte për Euronews Albania për të folur për operacionin e Policisë së Shtetit kundër lojërave të fatit. Vetë kryepolici Rrumbullaku bëri me dije se mes të 116 të arrestuarve  ka menaxherë, por nuk janë kapur organizatorët kryesorë.

Gazetarja Topalli tha se është e vështirë që të kapen “kokat” e atyre që investojnë në lojëra fati, pasi sipas saj është e vështirë gjurmimi i linqeve online.

Në vijim të operacionit të Policisë së Shtetit kundër lojërave të fatit, bëhet me dije se “Sigurisht do një bashkërendim të madh jo vetëm të Policisë së Shtetit, por edhe të Autoritetit të Mbikëqyrjes së Lojërave të Fatit, apo edhe Autoritetit të Mbikëqyrjes së Linqeve Elektronike. Pra deri tani nuk kemi shkuar deri tek personat që i sponsorizojnë sepse bëhet fjalë për shifra shumë të mëdha parash që po hidhen në treg.”

Sipas saj, ashtu si në çdo ngjarje tjetër kriminale, do të jetë shumë  e vështirë për të shkuar deri tek “kokat” e  këtyre bizneseve të jashtëligjshme. Nga zotimet e Departamentit të Krimit Ekonomik pritet që operacioni do të vijojë për të shkuar deri në arrestimet e krerëve dhe jo vetëm të menaxherëve.

LEXONI GJITHASHTU:

• Gazetari tregon sa për qind e policisë përdorin aplikacionet SKY EC
• Vrasja në Fier, policia jep detaje: U ekzekutua më armë një 41-vjeçar