Gazetarja: Qëndrova 5 ditë në çadër në Turqi, u zgjova një natë dhe isha si e ngrirë

Gazetarja Aida Topalli tregoi eksperiencën e saj në Turqi, ku dhe raportoi situatën pas tërmetit tragjik që mori jetën e mijëra njerëzve.

E ftuar në emisionin “Good Morning Albanians” në Euronews Albania, Topalli nënvizoi se ka qëndruar 5 ditë në çadër, ndërsa tregoi dhe vështirësitë  me të cilat përballen qytetarët turq.

“Për 5 ditë kam qëndruar në qendrën e emergjencave  të Ankarasë në Hataj, kam qëndruar në çadrat që ata kishin ngritur.  Ishte shumë e vështirë. Mungesa e ujit, ngrohja janë shumë problem për qytetarët. Netët ishin shumë të ftohta. Nuk do e harrojë kurrë një natë kur u zgjova dhe isha si e ngrirë”- theksoi ajo.

LEXONI GJITHASHTU: 

• Ndalohet anija në Durrës, vinte me 22 500 tonë naftë kontrabandë nga Rusia
• Temperatura të larta dhe kthjellime, parashikimi i motit për javën