Gent Zenelaj si hidraulik: E dua shumë këtë rol tipik shqiptar

Pas 30 vitesh bashkëjetesë, çifti Meleku kujtohen që nuk dinë ku është certifikata e martesës. A varet realisht martesa nga një certifikatë? Dhe më e rëndësishmja, pas 30 vitesh a do të martoheshe sërish me burrin a gruan që ke?

Një komedi sociale e filozofike, në të cilën aktori Gent Zenelaj luan rolin e hidraulikut.

Në një intervistë për “Good morning Albanians” ai tregoi se e do shumë këtë rol tipik shqiptar.

“Melek është një njeri me komplekse, një njeri që ka qenë hidraulik gjithë jetën dhe mendon që hidrauliku është një nga personat më të rëndësishëm të shoqërisë. E dua shumë këtë personazh, domethënë është një personazh që e gjen kudo në Shqipëri,” – u shpreh Zenelaj.

Aktori tregoi se personazhi i tij nuk është i kënaqur me demokracinë dhe mendon se në kohët më parë ka qenë më mirë.