“Gërdeci”, shtyhet seanca për Fatmir Mediun, mungojnë prokurorët

Seanca e ditës së sotme për çështjen e “Gërdecit” është shtyrë për në 12 qershor. Kjo pasi dy prokurorët e SPAK, Arben Kraja dhe Klodian Braho.

Ata kanë lajmëruar gjykatën e posaçme se ata ndodhen në një aktivitet në funksion të detyrs së tyre.

Gjithashtu nuk është paraqitur edhe vetë i pandehuri, ish-ministri i Mbrojtjes, Fatmir Mediu. Sipas informacioneve ai ndodhet në një vizitë në Shtetet e Bashkuara të Amerikës.

Gazetari Eni Ferhati tha për Euronews Albania se të pranishëm në seancë ishin ekspertët, të cilët kanë shprehur se nuk ka arsye që ata të pyeten për këtë proces.

“Ekspertët kanë folur para gjykatës, ata janë shprehur se nuk mund të paraqiten në këtë proces dhe të japin opinione apo mendime për një akt që e kanë hartuar 16 vite më parë. Shumica e ekspertëve kanë relativisht një moshë të madhe dhe sipas këtyre ekspertëve nuk ka arsye se përse të paraqiten në proces. Sipas tyre duhet të pyetet prokurori Sokol Stojani”,-tha gazetari.

LEXONI GJITHASHTU:

• “Vrasës”- Përplasje mes Mediut dhe familjarëve të viktimave në gjyqin për “Gërdecin”
• “Gërdeci”| Gjyqi ndaj ish-ministrit Mediu, zbardhet kërkesa e palës mbrojtëse