Gjeologu turk: Tërmeti ishte i pritshëm, e kemi paralajmëruar për këtë zonë sizmike

Gjeologu turk, Abuzer Sariras thotë se ishte paralajmëruar më herët për një tërmet të fortë në Turqi.

Në emisionin “Good Morning Albanians” në Euronews Albania, Sariras u shpreh se në qytetin ku banon, Malatya, ka ndërtuar një shtëpi me parametra sizmike, që mund t’i rezistojë një tërmeti të fuqishëm.

Por edhe nëse shtëpia do të shembej, Sariras ka ndërtuar edhe një kontejner.

“Ngaqë unë jam edhe i fushës, ashtu siç parahsikohet në raste tërmetesh të forta, që në rastin konkret, në qytetin tonë pritej një tërmet i fortë, ne kemi ndërtuar një shtëpi me parametra sizmike.

Krahas saj, kemi ndërtuar një kontejner ngjitur me shtëpinë, në rast se shtëpia do të shembej”, theksoi ai.