Gjermania i bashkohet komandës së OKB-së, synohet mbrojtja e Koresë së Jugut

Gjermania është një anëtare e re e Komandës së OKB-së (UNC) të udhëhequr nga SHBA në Korenë e Jugut.

Se çfarë kontributi mund të japë Gjermania si vendi i 18-të në organizatën ushtarake do të diskutohet tani me partnerët, citoi Agjencia Gjermane e Shtypit. 

Sipas agjencisë gjermane të shtypit, ministri i Mbrojtjes Boris Pistorius tha se masa është një “shenjë e qartë” e përkushtimit të vendit të tij për paqen dhe sigurinë në rajonin Indo-Paqësor.

Pistorius njoftoi se ushtria gjermane do të prezantojë avionin e saj modern të vëzhgimit A319 OH – i njohur gjithashtu si syri fluturues – në Korenë e Jugut që nga shtatori.

“Kjo do të thotë se pajtueshmëria me marrëveshjet e kontrollit të armëve mund të vërehet nga ajri,” tha Pistorius.

Që nga Lufta Koreane nga viti 1950 deri në 1953, Komanda e OKB-së ka qenë përgjegjëse për të siguruar që kushtet për një armëpushim të negociuar janë respektuar.

LEXONI GJITHASHTU:

• Armët bërthamore, Gjermania i përgjigjet Putin: S’jemi të frikësuar nga kërcënimet
• Gjermania mbyll qendrën islamike në Hamburg pretendon se mbështeste Hezbollahun